آرمی چیف جنرل قمر جاوید باجوہ نے منگلا کے قریب پبی میں واقع نیشنل کاؤنٹر ٹیرر ازم سینٹر کا دورہ کیا اور غیر ملکی ٹیموں سے ملاقات کی ۔

Army Chief Ka Mangla Main National Counter Terrorism Center Ka Dorah


آئی ایس پی آر کے مطابق آرمی چیف نے دوسرےپاکستان آرمی ٹیم اسپرٹ مقابلوں میں حصہ لینے والی 10غیرملکی فوجی ٹیموں سے ملاقات کی، غیرملکی ٹیموں میں چین، انڈونیشیا، اردن، ملائیشیا، مالدیپ شامل ہیں۔

اس موقع پر جنرل قمر باجوہ نے کہا ہے کہ دہشت گردی سے پوری دنیا متاثر ہورہی ہے، دہشت گردی سے نمٹنے کے لیے مشترکہ کوششوں کی ضرورت ہے، پاکستان نے عالمی امن و استحکام کے لیے اہم کردار ادا کیا ہے۔

انہوں نے کہا کہ دنیا نے پاکستان کے کردار کو تسلیم کیا ہے، پاکستان کو تنہا کرنے کا دعویٰ کرنے والے دیکھ لیں کہ عالمی برادری پاکستان کے ساتھ ہے،عالمی دوست ہمیں اہمیت دیتے ہیں۔

آرمی چیف کا کہنا تھا کہ دہشت گردی کے خلاف اجتماعی ردعمل کی حکمت عملی کی ضرورت ہے،پاکستان امن پسند ملک ہے، غیرملکی ٹیموں کی یہاں موجودگی ہماری کوششوں کو تسلیم کیے جانے کا ثبوت ہے۔

YOUR REACTION?



Facebook Conversations



Disqus Conversations