عمران اور پی ٹی آئی کے ارکان اسمبلی پر مزید دو مقدمات درج

عمران اور پی ٹی آئی کے ارکان اسمبلی پر مزید دو مقدمات درج

پولیس نے بتایا کہ پارٹی کے 25 مئی کے ’حقیقی آزادی مارچ 
کے سلسلے میں سابق وزیراعظم عمران خان اور تحریک انصاف (پی ٹی آئی) 
کے متعدد ارکان پارلیمنٹ کے خلاف ہفتہ کو مزید دو مقدمات درج کیے گئے

ان میں سے ایک مقدمہ پاکستان پینل کوڈ (پی پی سی) کی دفعہ 
186، 353، 148، 149، 506ii، 341، 188 اور 109 کے تحت مارگلہ 
تھانے میں درج کیا گیا تھا

ایک اور مقدمہ پی پی سی کی دفعہ 188، 353، 186، 147، 149 اور 109 
کے تحت سہالہ تھانے میں درج کیا گیا۔

اسلام آباد میں پی ٹی آئی رہنماؤں کے خلاف درج مقدمات کی 
تعداد 16 ہوگئی۔

پولیس کے مطابق کوہسار میں تین، بہارہ کہو، گولڑہ اور 
ترنول میں دو دو اور آبپارہ، کراچی کمپنی، کورال، لوئی بھیر، 
مارگلہ، سیکرٹریٹ اور سہالہ تھانوں میں ایک ایک مقدمہ درج کیا گیا۔

اس موقع پر پی ٹی آئی کے سربراہ کے علاوہ سابق سپیکر قومی اسمبلی 
اسد قیصر، وزیراعلیٰ خیبرپختونخوا محمود خان، پارلیمنٹرینز اسد عمر، 
شاہ محمود قریشی، زرتاج گل، فیصل جاوید، سیف اللہ نیازی، 
علی امین گنڈا پور، علی نواز اعوان، شیریں مزاری، شفقت محمود 
اور دیگر بھی موجود تھے۔ ان مقدمات میں عامر کیانی، راجہ خرم نواز، 
پرویز خٹک، عمران اسماعیل، علی محمد خان، مراد سعید، شاہ فرمان اور 
شیخ رشید احمد سمیت 1675 دیگر افراد کے خلاف مقدمہ درج کیا گیا ہے۔