بجلی کا شارٹ فال 5,192 میگاواٹ تک پہنچ گیا۔

بجلی کا شارٹ فال 5,192 میگاواٹ تک پہنچ گیا۔

بجلی کا شارٹ فال 5,192 میگاواٹ تک پہنچ جانے سے شہری
بجلی کی طویل بندش سے پریشان ہیں۔ پاور ڈویژن کے ذرائع نے بتایا کہ گزشتہ 24 گھنٹوں کے
دوران 26,000 میگاواٹ کی طلب کے مقابلے میں 20,808
میگاواٹ بجلی پیدا کی گئی۔ پانی سے 7,900 میگاواٹ، انڈیپنڈنٹ پاور پروڈیوسرز
(IPPs) سے 9,000 میگاواٹ، سرکاری تھرمل پلانٹس سے 800
میگاواٹ، نیوکلیئر پلانٹس سے 2332 میگاواٹ، ونڈ اور
سولر پلانٹس سے بالترتیب 875 میگاواٹ اور 131 میگاواٹ
بجلی پیدا کی جا رہی تھی۔ ذرائع نے مزید بتایا کہ بیگاس پاور پلانٹس سے 70 میگاواٹ
بجلی پیدا کی جارہی ہے۔ ان کا کہنا تھا کہ بجلی کی پیداوار
میں کمی کے باعث غیر اعلانیہ لوڈ شیڈنگ کے دورانیے میں بھی
اضافہ ہوا ہے۔ دریں اثناء بجلی مزید مہنگی ہونے کا امکان ہے کیونکہ سینٹرل
پاور پرچیزنگ ایجنسی (سی پی پی اے) نے نیپرا کو بجلی کی قیمت
میں 4 روپے 69 پیسے فی یونٹ اضافے کی درخواست دائر کر دی ہے۔

تفصیلات کے مطابق سنٹرل پاور پرچیزنگ ایجنسی (سی پی پی اے) نے
جولائی کی ماہانہ فیول ایڈجسٹمنٹ کی مد میں بجلی کی قیمت میں 4
روپے 69 پیسے فی یونٹ اضافے کی درخواست نیشنل الیکٹرک پاور
ریگولیٹری اتھارٹی (نیپرا) میں دائر کر دی ہے۔ نیپرا سی پی پی اے کی

درخواست پر 31 اگست کو سماعت کرے گا۔
اضافے سے صارفین پر 65 ارب روپے سے زائد کا اضافی بوجھ پڑے گا۔