بھارتی تنگ نظر حکومت نے ترجمان پاک فوج کا بیان نشرکرنے پر13 چینلز کو نوٹس جاری کردیے
بھارتی تنگ نظر حکومت نے ترجمان پاک فوج کا بیان نشرکرنے پر13 چینلز کو نوٹس جاری کردیے
میجر جنرل آصف غفور نے 22 فروری کو میڈیا بریفنگ میں کہا تھا کہ اگربھارت نے جارحیت مسلط کی تو بھرپور جواب دیا جائے گا۔


نئی دہلی: بھارت کی جمہوریت کا حقیقی چہرہ بے نقاب ہو گیا جہاں ترجمان پاک فوج میجر جنرل آصف غفور کی میڈیا بریفنگ دکھانے پر بھارتی حکومت نے 13 ٹی وی چینلز کو نوٹس جاری کردیئے۔

22 فروری کی میڈیا بریفنگ کے دوران ترجمان پاک فوج نے بھارت کو پیغام دیا تھا کہ پاکستان سے نہ اُلجھو، اگر بھارت نے پاکستان پر جارحیت مسلط کی تو ہر قیمت پر آخری سانس اور آخری گولی تک مادر وطن کا دفاع کریں گے، اپنا دفاع اور اپنا رد عمل ہمارا حق ہے۔

بھارت کی وزارت و اطلاعات نشریات کی جانب سے ترجمان پاک فوج کی میڈیا بریفنگ دکھانے پر ترنگا ٹی وی سمیت 13 چینلز کو اظہار وجوہ کے نوٹسز بھیجے گئے ہیں۔

نوٹس میں کہا گیا ہے کہ مذکورہ چینلز نے ترجمان پاک فوج کی میڈیا بریفنگ 20 منٹ اور 45 سیکنڈ تک بلاتعطل براہ راست نشر کرکے ہدایات کی خلاف ورزی کی ہے۔

What's your reaction?

Facebook Conversations

Disqus Conversations