حفاظتی ضمانت ختم ہونے پر عمران خان کو گرفتار کیا جائے گا، رانا ثناء اللہ

حفاظتی ضمانت ختم ہونے پر عمران خان کو گرفتار کیا جائے گا، رانا ثناء اللہ

وزیر داخلہ رانا ثناء اللہ نے اتوار کو کہا کہ
پی ٹی آئی چیئرمین عمران خان کی حفاظتی ضمانت
ختم ہونے کے بعد انہیں گرفتار کر لیا جائے گا۔ پی ٹی آئی کے اسلام آباد تک دوسرے لانگ مارچ سے
پہلے، پشاور ہائی کورٹ (پی ایچ سی) نے 2 جون کو
عمران خان کو 50,000 روپے کے ضمانتی مچلکے کے
عوض تین ہفتوں کی ٹرانزٹ ضمانت منظور کر لی۔ پی
ٹی آئی چیئرمین نے دوبارہ اسلام آباد کی جانب مارچ
کرنے کی صورت میں اپنی ممکنہ گرفتاری کے خلاف پی
ایچ سی سے رجوع کیا۔ ٹوئٹر پر رانا ثناء اللہ نے کہا کہ عمران خان کو دو
درجن سے زائد مقدمات میں نامزد کیا گیا ہے جن میں
ہنگامہ آرائی، بغاوت، انتشار اور وفاق میں مسلح
حملے شامل ہیں۔
انہوں نے مزید کہا کہ عمران خان کی بنی گالہ
رہائش گاہ کے باہر تعینات سیکیورٹی اہلکار انہیں
عدالت کی جانب سے دی گئی حفاظتی ضمانت کی میعاد
ختم ہونے پر گرفتار کریں گے۔ ’’جمہوری معاشرے میں کوئی سیاسی جماعت کا سربراہ
کیسے بن سکتا ہے جو لوگوں کو اکسائے اور اپنے
مخالفین کو غدار قرار دے کر اخلاقی اور جمہوری
اقدار کی مکمل پامالی کرے۔‘‘ وفاقی وزیر نے کہا کہ وہ عمران خان کو اسلام آباد
میں خوش آمدید کہتے ہیں اور انہیں قانون کے
مطابق سیکیورٹی فراہم کی جارہی ہے۔