الیکشن کمیشن دفاتر میں یوٹیوب،فیس بک، ٹوئٹرپر پابندی عائ

ترجمان الیکشن کمیشن آف پاکستان کی جانب سے جاری بیان کے مطابق الیکشن کمیشن آف پاکستان نے ملک بھر کے تمام دفاتر میں سوشل میڈیا کے استعمال پر پابندی عائد کردی ہے۔

ترجمان الیکشن کمیشن کے مطابق پابندی صوبائی دفاتر اور آن فیلڈ دفاتر پر بھی عائد کی گئی ہے، جس پر سختی سے عمل کیا جائے گا، پابندی کے دائر میں سوشل میڈیا کی سائٹس یوٹیوب، فیس بک اور ٹوئٹر شامل ہیں۔ پابندی کا نوٹی فکیشن جاری کردیا گیا ہے۔

ترجمان کا مزید کہنا ہے کہ الیکشن کمیشن نے سائبر حملوں سے بچنے کیلئے یہ اہم اقدامات کئے ہیں، ذرائع کے مطابق پابندی کا فیصلہ سرکاری اور اہم معلومات افشاں ہونے اور دفتری اوقات میں دفاتر کے ایس او پیز کو ملوحوظ خاطر رکھنے کے باعث بھی کیا گیا ہے۔

واضح رہے کہ الیکشن کمیشن آف پاکستان کی ویب سائٹ پر 2 بار پہلے بھی سائبرحملے کئے جا چکے ہیں۔ تاہم کچھ عرصہ قبل کیے گئے سائبر حملے میں ڈیٹا محفوظ رہا تھا، یہاں یہ بات بھی قابل ذکر ہے کہ سال 2013 ء کے عام انتخابات کے دوران بھی ای سی پی کی سائٹس پر سائبر حملہ کیا گیا تھا۔