آسیہ بی بی کی بریت کیخلاف نظرثانی اپیل سماعت کیلئے مقرر

اسلام آباد: سپریم کورٹ نے آسیہ بی بی کی رہائی کے خلاف نظرثانی اپیل سماعت کے لیے مقرر کردی۔

آسیہ بی بی کی سزا کالعدم قرار دینے اور رہائی کے خلاف قاری محمد سلام نے عدالتِ عظمیٰ میں نظر ثانی اپیل دائر کی تھی جسے سماعت کے لیے مقرر کردیا گیا ہے۔

چیف جسٹس پاکستان جسٹس آصف سعید کھوسہ کی سربراہی میں جسٹس قاضی فائز عیسیٰ اور جسٹس مظہرعالم میاں خیل پر مشتمل تین رکنی بینچ 29 جنوری کو سماعت کرے گا۔