سانحہ ساہیوال: مدعی جلیل کا جے آئی ٹی کے سامنے پیش ہونے سے انکار، شناخت پریڈ مؤخر

لاہور: سانحہ ساہیوال کے مدعی مقدمہ مقتول جلیل نے جے آئی ٹی کے سامنے پیش ہونے سے انکار کردیا جس کے باعث واقعے کے ملزمان کی شناخت پریڈ آج بھی نہ ہوسکی۔

جیونیوز کے مطابق مدعی مقدمہ مقتول خلیل کے بھائی جلیل نے ٹیلی فون پر گفتگو میں کہا کہ ہم جے آئی ٹی کے سامنے پیش نہیں ہوں گے۔

جلیل نے مؤقف اپنایا کہ قائمہ کمیٹی داخلہ میں اپنی سفارشات پیش کردی ہیں اور اپنی سفارشات میں جوڈیشل کمیشن کا مطالبہ بھی کیا ہے لہٰذا ہم جوڈیشل کمیشن بننے کے بعد کمیشن میں پیش ہوں گے۔

مدعی اور گواہان کی عدم پیشی پر سول جج نے ملزمان کی شناخت پریڈ کے لیے کل کی تاریخ مقرر کردی۔